Passu Ki Barf Bahut Sakht Hu
Gai Thee Gernay Say Asa Lagh Raha Tha Jasay Ap Pakay Farsh Say Takraa Rahay Hun
Magar Uss Par Hum Bahut Mushkil Say Pohanchay Thay Iss Liye Iss Par Baar Baar
Gerna Phasalna Hum Sabh Par Farz Tha Gernay Ki Opening Sohail Say Hui Uss Par
Hum Sab Hanstay Hanstay Gertay Chalay Gaye Sohail Yaar Tuu Gerta Bahut Acha Hay
Navid Nay Mojh Laitay Huay Kaha ,,Teri Tra Nazron Sey Tu Nahi Gerta Naa Sohail
Apni Saanson Par Qabu Patay Huay Kaha Kalim Yaar Tuu Naa Ger Jana Werna Glacier
Ko Kon Utha Kar Hospital Laye Jaye Ga Navid Nay Kalim Ko Bhee Nahi Bakhsha Hum
Gulmit Say 15 Km Dour Darya E Hunza Kay Paas Abadh Passu Kay Gaon Kay Paas
Mojhudh Thay Ye Gulmit Gojaal Ki Tehseel Hay Gilgit Say Koi 150km Dour Darya Kay
Sath Sath Ye Muqaam Aa Jata Hay Yahan Ki Muqami Abaadhi Wakhi Hay Or Wakhi
Zubaan Hi Bolty Hay Samnay Hee 20000feet Passu Cone Pahaar Thay Ju Kay Samnay
Seena Tanay Khuray Thay Ye Pahaar Passu Gaon Kay North Mein Thay In Kay Qareeb
Passu Sar,Shispare Sar Or Batura Peaks Thein.Iss Mein Koi Shaq Nahi Kay Siah Ki
Ankh Kay Liye Yahan Bahut Kuch Tha Pahaar,Barf ,Pani,,Or Yakh Hawa Ju Munh Ko
Laal Kiye Dety Thee.Niaz Samnay Hotel Say Ju Kay Qadray Pechay Tha Khana Lay Aya
Hum Nay Bottle Mein Glacier Ka Pani Bhuraa Or Khanay Par Hath Saaf Karna Shuro
Kar Diye Pasuu Kay Baad Humaree Manzil Batura Tha Magar Abhi Humein Yahan Qayaam
Karna Tha Hum Soch Rahay Thay Kay Yahan Hee Raat Guzari Jaye Or Subah Thoray
Faslay Par Mojudh Batura Par Time Guzara Jaye Magar Tent Ka Intezaam Naa Hu Saka
Or Yahan Ki Sardee Mein Garee Mein Raat Ka Matlabh Subah Beemaar Par Janaa Tha
Hum Sabh Kahanay Sey Faarigh Hu Kar Glacier Ki Janibh Rukh Kar Kay Baith Gaye
Hawa Thee Kay Ruknay Kaa Naam Bhee Naa Laity Thee Glacier Ki Barf Nay Isay
Hamesha Kay Liye Freeze Kar Rakha Tha Hum Nay Bahut Kam Kahaya Tha Qun Kay Zayda
Khaa Lainay Kay Baad Ap Serf So Saktay Hein Ghoom Nahi Saktay(Jaree Hay)