Kabhi Mang K Dekha Hy?

(Huma Rasheed, lahore)

kabhi raat ko ALLAH k liye roo k dekha hy?

Ye Dunia Waqi Ak Thaka Deny Wali Cheez Hy.Ye Dunya Bahut Hi Bhool Bhulyan Hy. Kbhi Kbhi Main Ye Sochti Hun K Log Itny Naik Kesy Ho Skty Hen?? Or Wo Q Hoty Hen Itny Naik?? Kia Un Ko Ye Sab Esy Mil Jata Hy Ya Unhon Ny Ye Manga Hota Hy?? Ham Jesy Log Hamesha Sy Hi Be-Mail Hoty Hen… Pata Hy Kesy?? Ye Na Deen Ky Hoty Hen Na Dunya Ky. Niqab Kar Lia To Phir Dunia K Lye Ajeeb Or Agr Niqab K Ander Bhi Agr Soch Pakeeza Na Ho To Deen K Liye Be Mail. Jab Dunia K Logo Sy Milo To Lagta Hy K Ham Kuch Bhi Nh … Kuch Bhi Nh.. Or Agr Kisi Allah Waly Sy Mil Lo To Wahan Ak Or Hariat Ka Saman Hota Hy K Log Akhir Itny Q Kar Ho Skty Hen??Wo Deen K Sath Sath Dunya Ko Kesy Ly K Chlty Hen?? Ham Sy To Nh Hota Hy Ham Jesy Log Jahan Jaty Hen Wesy Ho Jaty Hen… Hay Na? Jb Kisi Duniya Ki Mahfil M Jao To Wesy Dunya Dar Ban Jaty Hen Or Or Deeni Mahfilm Jaen To Wesy Ho Jaty Hen… Esy Lagta Hy Na K Ham Riakari Krty Hen.. Jesy Kisi Ko Dhoka Deny Wali Bat Ho Gye Na.. Kisi Or Ko Kia Dhoka Dena? Ham To Khud Ko Bhi Dhoka Dety Hen. Sahi Kahty Hen Ak Waqt Main Do Kashtyun Main Sawar Nh Hoa Ja Skta …Magar Ye Jo Buzurgh Log Hoty Hen Na Ye Kesy Dunya Deen Ko Akhty Chalaty Hen.. Pata Hy Kesy?Pahly Wo Mangty Hen.. Mangna Ata Hy?? Han Un Ko Mangna Ata Hy.. Phir Wo Apna Nafas Khtm Krty Hen Wo Sekhty Hen Asal Main Wo Hen Kon?? Wo Kis Liye Aye Is Dunya Main?? Kia Maqsad Tha Un Ka Iss Dunya Ain Any Ka??..Kon Hen Wo ? Or Ham Kon Hen? Kbhi Soch K Dekha Hay? Wo Allah Ka Deen Sekhty Hen.. Apna Eman,Taqva Or Aitqad Mazboot Krty Hen. Phir Jaty Hen Wo Is Arzi Duniya K Maidan Main.. Yehi To Farq Hay In Main Or Ham Main.. Wo Pahly Allah Ki Nazron M Khud Ko Buland Krty Hen Allah K Pasandeda Logo M Shamil Hoty Hen Phir Parhty Hen Sahib Wo Doctori, Engineering Or Nafsyat. Ary Kbhi Esa Kar K Dekha Bhi Hy?…
Or Pata Hy Ye Taqva Un Ko Kesy Milta Hy??Wo Pahly Allah Ka Sochty Hen Wo Sirf Itna Krty Hen K Har Wo Kam Jo Allah Ko Na Pasand Hy Wo Nh Krty.. Kbhi Esa Krny Ka Socha Bhi Hy?

Or Pata Hy Un Ko Ye Taqva Kesy Milta Hy??Jab Dunya Or Deen M Sy Kisi Ak Ko Chun.Na Ho To Ak Lamha Bhi Sochy Baghir Kah Dety Hen Allah… Allah Ka Deen ..Allah K Rasool Ka Deen …Kbhi Kar K Dekha Hy Esy??
 
Or Pata Hy Unko Ye Taqva Kesy Milta Hy? Un K Liye Sb Sy Bari Naimat Raat Hoti Hy. Tareek Raat Jab Wo Rab.E.Kareem Sy Apni Bateen Apny Dukh Bant.Ty Hen Ye Sab Kuch To Ham Bhi Karty Hen Na? To Phir Wo Ham Sy Mukhtlif Q? Farq Sirf Yehan Ata Hy K Wo Is Tareek Raat M Allah Sy Allah Kohi Mangty Hen.. Unhen Sirf Allah Chahye Hota Hy Or Jab Allah Mil Jata Hy Na To Phir Kisi Cheez Ki Zrort Hi Nh Rahti Magar Allah To Allah Hy Na Wo Bara Khud Dar Hy Koi Wo Apni Shaan K Mutabiq Sb Dy Deta Hy Lakin Phir Wo Kahsish Nh Rahti Unhen Sirf Allah Chaye Hota Hy.. Hamen Chahye Hota Hy Allah?

Or Pata Hy Unhen Ye Taqva Kesy Milta Hy? Jab Kbhi In Sy Kotahi Ho Jati Hy To In K Dil Beqrar Ho Jaty Hen … Dil Beqrar To Hamary Bhi Hoty Hen Na?? Han Hamary Dil Bhi Beqrar Hoty Hen Lakin Ham Usy Nazar Andaz Kr Dety He.. Deeth Ban Jaty Hen.. Koi Or Waja Nikal Lety Hen.Hamari Soch Us Taraf Jati Hi Nh..Lakin Nh Wo Log Esa Nh Krty Un Sy Sirf Ak Ghalti Ho Jay To Un K Dil Beqrar Ho Jaty Hen. Wo Hamari Tarha Deeth Nh Hoty Or Phir Wo Mangty Hen.. Tooba Krty Hen ..Us Kali ,Tareek Raat M Wo Roty Hen… Tum Roy Hoo Kbhi? Nh Ham Ro Hi Nh Skty Q K Hamary Dil Sakth Hen.. Or Pta Hy Dil Q Sakth Hota Hy? Gunahoon K Bojh Ki Waja Sy.. Or Taqva Esy Milta Hy
“ Taqva Mangny Sy Milta Hy,Rony Sy Milta Hy, Allah Sy Allah Ko Mangny Ko Milta Hy, Ratoon Ko Jagny Sy Milta Hy Or Allah Ko Tarjeeh Deny Sy Milta Hy”

Adhy Teeter Adhy Bater Ban.Ny Sy Taqva Nh Milta. Ye To Bahut Anmol Cheez Hy Allah Ka Tohfa Hy Kia Ham Ny Kbhi Kisi Raah Chalty Ko Koi Tohfa Dia Hy? Nh Na?? To Allah Kesy Apna Tohfa Ham Jesy Logo Ko Dy Den? Tohfa To Khas Logo Ko Dia Jata Hy Or Kia Ham Khas Hen?? Ham To Shayed Aam Logo Sy Bhi Bury Hun….

To Kbhi Manga Hy?? Kbhi Mang K Dekha Hy?? Adam Alayis Salam Ki Tarha Ak Ghalti Pe Girgra K Dekha Hy? Moosa Alayis Salam Ki Tarha Allah Sy Qalam Ki Khwaish Kr K Dekhi Hy? Yousuf Alayis Salam Ki Tarha Shar Sy Mahfoz Or Pakeeza Rahy Ho ..Essa Alayis Salam Ki Tarha Firoon K Ghr M Rah K Deen Pe Qiam Rahy Ho? Or Apny Khatam U Nabien Ki Tarha Raaton Ko Uth Uth K Umet K Liye Ro K Dekha Hy? Tum Umeet K Liye Na Roo? Apny Liye To Roo… Apny Liye Kbhi Roo K Dekha Hy? Apny Liye Manga Hy? Kbhi Mang K Dekh Hy?
 

Comments Print Article Print
 PREVIOUS
NEXT 
About the Author: Huma Rasheed
Currently, no details found about the author. If you are the author of this Article, Please update or create your Profile here >>
18 Feb, 2017 Views: 1127

Comments

آپ کی رائے

مزہبی کالم نگاری میں لکھنے اور تبصرہ کرنے والے احباب سے گزارش ہے کہ دوسرے مسالک کا احترام کرتے ہوئے تنقیدی الفاظ اور تبصروں سے گریز فرمائیں - شکریہ