اسلام آباد: اسکواش کے کھیل پر پاکستان کی حکمرانی کتنے سال رہی یہ تو ہر ایک ہی جانتاہے ۔ جان شیر اور جہانگیر خان نے پاکستان کا نام بلند کیا ۔لیکن اب سکواش کے کھیل میں خاتون کھلاڑی نے نام پیدا کرنے کی ٹھانی ہے ۔
مگر ٹھریئے خاتون کھلاڑی نے نہ صرف کھیل میں بلکہ اپنی کسی اہم خصوصیت کی وجہ سے پاکستان کا نام بلند کرنے کا منصوبہ ٹھا ن رکھا ہے ۔
یوں تو کھلاڑیوں کےطرح طرح کےہیئراسٹائل توآپ نے دیکھے ہوں گے ۔لیکن ہم آپ کو ملوارہےہیں اسکواش کی اس پلیئرسے، لمبےبال جس کی وجہ شہرت بن گئے ۔،پانچ فٹ دوانچ لمبےبالوں والی ذہب کمال ورلڈریکارڈبنانےکی خواہش مندہیں۔
تفصیلات کے مطابق پاکستانی سکواش کھلاڑی ذہب کمال کے بالوں کی لمبائی 5 فٹ اور 2 انچ ہے ۔ ذہب کما ل کا کہناہے کہ وہ اپنے کھیل کے ساتھ بالوں کی وجہ سے بھی دنیا بھر میں شہرت حاصل کر نا چاہتی ہے ۔
ذہب کمال کا کہناہے کہ وہ کبھی اپنے لمبے بالوں کو کٹوانے کا سوچ بھی نہیں سکتی ۔بالوں کو لمبا کر نے کے لیے خاصی محنت کی ہے ۔جسے پل بھر میں ضائع نہیں کر سکتی ۔