لیثرر لیگس نیشنل چمپئن شپ آج سے بلوچ مجاہد اسٹیڈیم پر کھیلی جائے گی

لیثرر لیگس نیشنل چمپئن شپ کا آج (جمعرات)سے بلوچ مجاہد فٹبال اسٹیڈیم کے سرسبز اورخوبصورت اسٹیڈیم پر آغاز ہورہا ہے ۔ تفصیلات کے مطابق مردان، پشاور، اسلام آباد، لاہور، کوئٹہ، قلعہ سیف اﷲاور حیدرآباد کی ٹیمیں 2بجے دوپہرکینٹ اسٹیشن پر پہنچیں گیں۔جہاں ان کا پرتپاک استقبال کیا جائے گا۔ اور ریلی کی شکل میں انہیں ہوٹل پہنچایا جائے گا۔ 6تا9بجے شب گروپ میچز کھیلیں جائیں گے۔ 29جون کو9تا11بجے شب دونوں سیمی فائنلز جبکہ فائنل 30جون کو 9بجے شب کھیلا جائے گا۔ سیمی فائنلز اور فائنل پی ٹی وی سے براہ راست نشر کئے جائیں گے۔ 29اور 30جون کو سیمی فائنلز اور فائنل سے قبل اور بعدمیں بلوچ مجاہد فٹبال اسٹیڈیم پر نصب دیو قامت اسکرین پر ورلڈ کپ کے پری کوارٹر فائنلز شائقین کی توجہ کا مرکز بنیں گے۔فائنل کے اختتام پر آتش بازی کا شاندار مظاہرہ بھی کیا جائے گا۔