محکمہ موسمیات نے کہا ہے کہ رواں سال کا پہلا چاند گرہن10 اور 11 جنوری کی درمیانی شب کو ہوگا ، چاند گرہن کے مناظر پاکستان سمیت دنیا کے بیشتر ممالک میں دیکھے جاسکے گیں۔
تفصیلات کے مطابق محکمہ موسمیات نے سال 2020 کے چاند گرہن کی پیشگوئی کرتے ہوئے کہا کہ رواں سال کا پہلا چاند گرہن دس اور گیارہ جنوری کی درمیانی شب کو ہوگا، جو تقریبا چار گھنٹے تک رہے گا۔
چاند گرہن کا آغاز 10بجکر 08 منٹ پر ہوگا جبکہ اس کا اختتام رات 2 بج کر 12 منٹ پر ہوگا۔ اس کے علاوہ مکمل چاند گرہن 12 بجکر 10 منٹ پر ہوگا۔
محکمہ موسمیات نے یہ بھی بتایا ہے کہ سال 2020 کا دوسرا چاند گرہن 5 اور 6 جون 2020 کی درمیانی شب میں ہوگا،21 جون کو پاکستان میں پہلا سورج گرہن دیکھا جا سکے گا۔