کراچی میں گزشتہ چند ہفتوں سے سردی کی شدت برقرار ہے۔ شہرِ قائد میں آج گزشتہ 5 سالوں کا سبب سے سرد ترین ریکارڈ ہوا اور کم سے کم درجہ حرارت 7.5 ریکارڈ کیا گیا۔
محکمہ موسمیات کے مطابق اس سے پہلے سال 2014ء میں درجہ حرارت 6 اعشاریہ 5 ڈگری تک ریکارڈ دیکھنے میں آیا تھا۔ کراچی میں آئندہ دنوں مزید سردی بڑھنے کا امکان ہے۔
محکمہ موسمیات کے ترجمان میٹرولوجسٹ انجم نذیر کا کہنا ہے کہ ہفتے کو مغربی بارش برسانے والا سسٹم ایران سے آئے گا جو کہ بلوچستان میں داخل ہوگا جس کے باعث مغرب سے سرد ہواؤں کا سلسلہ ملک کے بیشتر و بالائی علاقوں میں برف باری جبکہ کراچی میں مزید سردی کی شدت میں اضافہ کردے گا۔