وزیراعظم عمران خان نے سماجی ادارے کی ویب سائٹ ٹوئٹر پر امریکہ ایران جنگ ہونے کی صورت میں پاکستان کے ساتھ دینے سے متعلق بیان دیتے ہوئے یہ واضح کردیا کہ پاکستان اب کسی جنگ کا حصہ نہیں ہو گا۔
عمران خان نے ٹویٹ کیا کہ میں نے شاہ محمود قریشی کو ہدایت کی ہے کہ سعودی عرب، امریکہ اور ایران کے وزرائے خارجہ سے ملاقات کریں جبکہ آرمی چیف جنرل قمر جاوید باجوہ متعلقہ عسکری قائدین سے رابطے قائم کریں اور انہیں واضح پیغام دیں کہ پاکستان امن کے لیئے اپنا کردار ادا کرنے کو تیار ہے مگر وہ دوبارہ کسی جنگ کا حصہ نہیں بن سکتا۔
یاد رہے اس بارے میں پاک فوج کے ترجمان میجر جنرل آصف غفور بھی واضح کر چکے ہیں کہ پاکستان اس جنگ میں کسی کا ساتھ نہیں دے گا، یہ سب افواہیں ہیں جو بھارت کی جانب سے اڑائی جا رہی ہیں۔ پاکستان خطے میں ہرگز امن خراب نہیں ہونے دے گا۔