سوشل میڈیا صارفین نے انٹرنیٹ پر برطانوی شہزادی میگھن مارکل کی ہم شکل کو بھی ڈھونڈ لیا ہے جنہیں دیکھ کر سب لوگ حیرانگی ظاہر کر رہے ہیں۔
امریکہ کی ریاست میسوری سے تعلق رکھنے والی سوشل میڈیا انفلوئنسر کے سوشل میڈیا پر خاصے چرچے ہو رہے ہیں کیونکہ یہ ہو بہو برطانوی شہزادی میگھن مارکل سے مل رہی ہیں۔
غیر ملکی نشریاتی ادارے کے مطابق اکیشا لینڈ نے انسٹاگرام پر اپنی بیٹی کے ہمراہ ایک تصویر پوسٹ کی جس میں صارفین کی جانب سے ملے جلے انداز میں تبصرے کیے جا رہے ہیں کیونکہ یہ بالکل میگھن مارکل سے مشابہت رکھتی ہیں۔
سوشل میڈیا صارفین نے اکیشا کو برطانوی شہزادی سے تشبیہ دیا ہے اور اس سے متعلق ان کا کہنا ہے کہ میں اسے اپنے لئے بہت بڑی تعریف سمجھتی ہوں کہ مجھے برطانوی شہزادی سے ملایا جا رہا ہے۔