سابق وزیراعظم اور مسلم لیگ (ن) کے سینئر رہنما شاہد خاقان عباسی کو بھی کورونا ہوگیا ہے۔
خاندانی ذرائع نے اس بات کی تصدیق کرتے ہوئے کہا ہے کہ شاہد خاقان عباسی کی کورونا وائرس ٹیسٹ کی رپورٹ مثبت آئی ہے۔
رپورٹ مثبت آجانے کے بعد سابق وزیر اعظم شاہد خاقان عباسی نے اپنے گھر میں ہی خود کو قرنطینہ کرلیا ہے۔
واضح رہے کہ پاکستان میں 24 گھنٹوں کےدوران کورونا کے مزید 4728 کیسز اور 65 اموات رپورٹ ہوئی ہیں جس کے بعد کیسز کی مجموعی تعداد 1 لاکھ 3 ہزار 671 جبکہ جاں بحق افراد کی کُل تعداد 2 ہزار67 ہو گئی ہے۔