پاکستان میں کورونا وائرس کو شکست دینے کے لئے ادارے این ڈی ایم اے نے کورونا سے صحت یاب ہونے والے متاثرین کو اپنا پلازمہ آسانی سے عطیہ کرنے کے لئے ایک ہیلپ لائن متعارف کروا دی۔
این ڈی ایم اے نے اپیل کی ہے کہ صحت مند ہونے والے افراد زیادہ سے زیادہ اس کار خیر میں حصہ لیں۔
پلازمہ عطیہ کرنے کے خواہشمند افراد 03041110161 پر رابطہ کر سکتے ہیں۔
اس حوالے سے تمام ڈیٹا اندراج کے لیے این ڈی ایم اے کے ایک ترجمان افسر کو مقرر کیا گیا ہے۔ یہ ہیلپ لائن 24 گھنٹے فعال رہے گی جبکہ ڈونرز کا نام اور دوسری ذاتی معلومات خفیہ رکھی جائیں گی۔
کورونا ماہرین کی جانب سے اس اقدام کو بے حد سراہا جارہا ہے۔