اپنے ملک میں سکون کے ساتھ رہنا کسی بڑی نعمت سے کم نہیں ہے لیکن کچھ لوگ ملک چھوڑ کر دوسرے ممالک میں رہنے کو ترجیح دیتے ہیں ۔ مگر ایسا کیوں؟
دیگر ممالک میں ہجرت کرنے والے اکثر پاکستانیوں کا کہنا ہے کہ اگر ملک میں ملازمت کے بہتر مواقع ہوں تو وہ ملک پاکستان میں ہی رہیں گے۔تاہم لوگوں کی ایک شرح کا کہنا تھا کہ اگرمعیاری تعلیم ہو تو وہ اپنے ملک میں رہنے کو ترجیح دیں۔یہ باتیں پاکستانیوں کو ہجرت کرنے پر کیا چیز مجبور کرتی ہے ۔
65 فیصد تاریکِ وطن کے مطابق پاکستان میں ملازمت کے بہتر مواقع اور 20 فیصد نے کہا کہ بہتر تعلیمی سہولیات ہوں تو وہ ملک کبھی چھوڑ کر نہ جائیں۔
تاہم 19 فیصد نے کہا کہ اگر ملک میں مثبت تبدیلیاں بھی آجائیں وہ تب بھی پاکستان چھوڑنے کا فیصلہ واپس نہیں لیں گے۔ رواں سال جنوری میں ایک نجی ادارے کی جانب سے تحقیقی سروے کیا گیا جس کے مطابق روزگار کے مواقع کی کمی، مالی مسائل اور ناقص معیار تعلیم ملک سے ہجرت کی بنیادی وجوہات ہیں۔
جبکہ 12 فیصد نے مالی مسائل اور قرضوں، 8 فیصد نے بیرون ملک دوستوں اور اہلِ خانہ کے پاس جانے اور 14 فیصد نے تعلیمی مواقع کی وجہ سے مائیگریشن کا فیصلہ کیا۔
سروے کے اکثر فریقین نے ایشیا پیسیفک کے ممالک میں مائیگریشن کا فیصلہ کیا، ملازمتوں کی وجہ سے 23 فیصد نے یورپی، 20 فیصد نے ترکی جبکہ 62 فیصد خلیجی ممالک جانے کا انتخاب کیا۔ان کے علاوہ رشتہ داروں اور دوستوں کی موجودگی کے باعث 20 فیصد نے یورپی، 21فیصد نے ترکی اور 18 فیصد نے خلیجی ممالک کا رخ کیا۔