گاڑی میں بیٹھ کر مزے سے سفر تو کرتے ہیں لیکن کبھی یہ بھی سوچا ہے کہ گاڑی میں بڑی ونڈوز کے علاوہ پیچھے کی جانب چھوٹی سی کھڑکی کیوں موجود ہوتی ہے؟
گاڑیوں کی ونڈ شیلڈ اور نیچے سمٹ جانے والی کھڑکیوں سے ہٹ کر بھی ایک تکونی ونڈو موجود ہوتی ہے، جو اپنی جگہ فکس ہوتی ہے؟
اس تکونی کھڑکی کو وینٹ ونڈو کہا جاتا ہے، لیکن اب نئے ماڈلز کی گاڑیوں میں یہ کھڑکی موجود نہیں ہے۔
وینٹ ونڈو آخر ہے کیا ؟ یہ آٹو گلاس ونڈو ہے جو کہ گاڑی کے نیچے سمٹ جانے والی کھڑکیوں کے برابر میں ہوتے ہیں، پہلے وقت میں اس طرح کی کھڑکیوں کو اپنی جگہ سے ہلانا ممکن تھا مگر اب کسی بھی مسافر گاڑی میں وینٹ گلاس کو اوپن کرنا ممکن نہیں رہا۔
دراصل یہ کھڑکیاں گاڑیوں کو ٹھنڈا رکھنے کے لیے متعارف کروائی گئیں تھیں۔
کیونکہ اس زمانے میں بیشتر گاڑیوں میں ایئرکنڈیشنر سسٹم نہیں ہوتا تھا اور اس وینٹ گلاس کا مقصد ڈرائیور اور مسافروں کے لیے گرم موسم میں درجہ حرارت کو کنٹرول کرنا تھا۔
یہ وینٹ گلاس اپنی جگہ فکس ہوتے ہیں اور ٹائر اس کے نیچے ہوتے ہیں تو باقی حصے کو زیادہ نیچے لے جانے میں مدد ملتی ہے۔ لیکن اب اے سی گاڑیوں میں موجود ہوتا ہے تو اسی وجہ سے یہ ڈیزائن آٹو موبائل ڈیزائن سے باہر ہوگیا۔
ویسے اب کمپنیاں ایسی گاڑیاں تیار کرتی ہیں جن میں مختلف آٹو گلاس ٹیکنالوجیز پر توجہ دی جارہی ہے تاکہ ہوا کا گزر ہوسکے۔