حج ایک مقدس فریضہ ہے اور خوش نصیب ہیں وہ لوگ جنھیں خدا کا گھر دیکھنے کی سعادت زندگی میں ایک مرتبہ یا اس سے زائد بھی ملتی ہے۔ حج سے متعلق ہر ایک رکن اور مناسک کی معلومات آپ کو ہونی چاہیئے تاکہ اللہ کی بارگاہ میں کھڑے ہوں جب تو آپ کا دل اور دماغ مطمئن ہو اور آپ کی عقل سمجھ سکے کہ اللہ نے یہی طریقہ حج کے لیئے کیوں مناسب رکھا یا کیا ایسی وجہ ہے جو یہ سنت اور شریعت میں لکھ دیا گیا۔
کچھ ایسا ہی ہے جمرات پر شیطان کو کنکریاں مارنے کا معاملہ ہے مگر یہ تو سب ہی جانتے ہیں کہ جمرات کو کنکریاں کیوں ماری جاتی ہیں مگرحج کے دوران شیطان کوماری جانے والی کنکریاں کہاں جاتی ہیں یہ کم ہی لوگوں کو معلوم ہے تو آپ بھی جانیں:
• حجاج کرام جمرات کے تینوں حوضوں میں کنکریاں پھینک دیتے ہیں اور آگے بڑھ جاتے ہیں مگر ان حوضوں کے درمیان برقی کنویئر سسٹم لگا ہوتا ہے جو پھینکی گئی ان تمام کنکریوں کو جمع کرلیتا ہے۔
• پھر ان کنکریوں کو صاف کرنے کا عمل ہوتا ہے جو جمرات پل کے تہہ خانے میں 15 میٹر کی گہرائی پر واقع ہے۔
• اور پھران کنکریوں کے چھانٹنے اور الگ کرنے کا عمل ہوتا ہے۔
• آخر میں ان کنکریوں کو کچرے میں ڈال دیا جاتا ہے۔ جوکہ سالانہ تقریباً 1 ہزار ٹن کے قریب ہوتی ہیں۔