آج بھی عالمی اور مقامی مارکیٹ میں سونے کی قیمتوں میں ریکارڈ اضافہ ہوا۔
آل پاکستان جیمز اینڈ جیولرز ایسوسی ایشن کے مطابق منگل کے روز فی تولہ سونے کی قیمت میں 8 ہزار 500 روپے اضافہ ہوا جس کے بعدفی تولہ سونے کی قیمت 4 لاکھ 70 ہزار 862 روپے ہوگئی ہے۔
10 گرام سونے کی قیمت میں 7 ہزار 288 روپے کا اضافہ ہوا، جس کے بعد 10 گرام سونا 4 لاکھ 3 ہزار 688 روپے کا ہوگیا۔
عالمی مارکیٹ میں 85 ڈالر اضافے کے بعد فی اونس 4 ہزار 485 ڈالر کا ہوگیا ہے۔
یاد رہے کہ دو روز سے عالمی مارکیٹ میں سونا تاریخ کی بلند ترین سطح پر ہے۔