ملک بھر میں ایک مرتبہ پھر شادی ہالز پر پابندی لگانے کے حوالے سے تجاویزات سامنے آرہی ہیں۔ کیونکہ کورونا وائرس کی دوسری لہر سے روزانہ کی تعداد میں کورونا کیسز میں اضافہ دیکھا جا رہا ہے۔
نیشنل کمانڈ اینڈ آپریشن سینٹر کی جانب سے بیان میں کہا گیا ہے کہ: '' ان ڈور شادیوں کی تقریبات پر کل سے پابندی لگائی جا رہی ہے، لیکن کھلی فضاء میں یا کھلے گارڈن وغیرہ میں تقریبات کا انعقاد کیا جاسکتا ہے۔''
احتیاطی تدابیر کے دوسرے مرحلے میں لگائی گئی تمما تر پابندیاں 31 جنوری تک جاری رہیں گی۔ جبکہ ہر قسم کے بڑے اجتماعات کے انعقاد پر بھی پابندی عائد کرنے کا فیصلہ کیا گیا ہے۔ لہٰذا کوئی بھی ایسا اجتماع کرنے کی اجازت نہیں ہے جس میں 300 سے زائد لوگ شریک ہوں گے۔
واضح رہے کہ گذشتہ روز ملک میں کورونا وائرس کے پھیلاؤ کو روکنے کے حوالے سے این سی او سی کے فیصلوں پر عمل درآمد یقینی بنانے کے لیے اسلام آباد ہائیکورٹ نے بڑا فیصلہ دیا ہے۔
8 صفحات پر مشتمل فیصلے میں یہ بھی کہا گیا ہے کہ: کمیٹی کے فیصلے نہ ماننے والوں کے خلاف قانونی کاروائی بھی کی جاسکتی ہے۔