حکومت نے 26 نومبر سے 10 جنوری تک ملک بھر کے تعلیمی اداروں میں سردیوں کی تعطیلات کا اعلان کردیا ہے۔
کچھ دیر قبل وفاقی وزیر تعلیم شفقت محمود کی سربراہی میں وزرائے تعلیم کا اجلاس ہوا جس میں ملک اور تعلیمی اداروں میں کورونا کیسز کی صورتحال کا جائزہ لیا گیا۔
میڈیا سے گفتگو کرتے ہوئے شفقت محمود نےکہا کہ 26 نومبر سے اسکول، کالجز، یونیورسٹیز اور ٹیوشن سینٹرز کوبند کرنے کا فیصلہ کیا گیا ہے۔
ذرائع کا کہنا ہےکہ وزرائے تعلیم کے اجلاس میں کورونا کے باعث اسکولوں کی بندش پر وزرائے تعلیم متفق ہوگئے تاہم اسکولوں کی بندش کے دورانیے پر تاحال گفتگو جاری ہے۔
وزیر تعلیم شفقت محمود کا مزید کہنا تھا کہ اساتذہ اور بچوں کی صحت سب سے پہلے ہے، بچوں کی صحت پر کوئی سمجھوتا نہیں کرسکتے۔