کورونا کی دوسری لہر کے اثرات بڑھنے لگے، کراچی کے متعدد علاقوں میں اسمارٹ لاک ڈاؤن کا نفاذ۔
تفصیلات کے مطابق کورونا وائرس کے بڑھتے کیسز کے پیشِ نظر کراچی کے ضلع کورنگی کے 3 سب ڈویژن کی 5 یوسیز میں اسمارٹ لاک ڈاؤن نافذ کر دیا گیا، کورنگی، شاہ فیصل اور ماڈل کالونی شامل ہیں۔
نوٹیفکیشن کے مطابق اسمارٹ لاک ڈاؤن 29 دسمبر سے 12 جنوری تک نافذ العمل رہے گا۔
یاد رہے کہ کورونا وائرس کے تیزی سے پھیلنے کے باعث لاہور کے 33 علاقوں میں بھی 10 جنوری تک اسمارٹ لاک ڈاؤن لگا دیا گیا ہے۔