خیبر پختونخوا کے تعلیمی اداروں میں موسم سرما تعطیلات کا اعلان کردیا گیا، یہ تعطیلات سمر زون اور ونٹر زون کیلیے الگ الگ ہوں گی۔ خیبرپختونخوا کے تعلیمی اداروں میں موسم سرما تعطیلات کے حوالے سے اعلامیہ جاری کردیا گیا۔
سیکریٹری تعلیم خیبر پختونخوا کے مطابق صوبے کے سمر زون کے تعلیمی اداروں میں یکم تا 15 جنوری ، جبکہ ونٹر زون کے تعلیمی اداروں میں 22 دسمبر تا 28 فروری چھٹیاں ہوں گی۔
یاد رہے کہ صوبہ پنجاب میں موسم سرما کی تعطیلات کا آغاز 23 دسمبر 2025ء سے ہوگا اور چھٹیاں 11 جنوری 2026ء تک جاری رہیں گی، پنجاب میں سرکاری و نجی اسکول 12 جنوری کو دوبارہ کھلیں گے۔
بلوچستان کی وزارت تعلیم کے مطابق سرد علاقوں میں 16 دسمبر سے اڑھائی ماہ کیلیے سرکاری و نجی اسکول بند رہیں گے، یہ شیڈول تمام سرکاری اور نجی اسکولوں پر یکساں طور پر لاگو ہوگا۔
سندھ بھر میں بھی موسمِ سرما کی تعطیلات 22 سے 31 دسمبر تک ہوں گی، اس دوران تمام سرکاری و نجی تعلیمی ادارے یکم جنوری سے معمول کے مطابق کھلیں گے۔