گزشتہ برس نومبر میں سوشل میڈیا پر ایک خبر بہت وائرل ہوئی تھی جس میں پاکستان کے صوبہ پنجاب کے شہر سیالکوٹ کے شہری عدنان نے محض 22 سال کی عمر میں تین شادیاں کیں ، تینوں بیگمات ایک ہی گھر میں مقیم ہیں، تاہم مزید یہ سننے میں آیا تھا کہ عدنان کی تینوں بیویاں ان کے لیے چوتھی اہلیہ کی تلاش میں ہیں۔
لوگ کنبے کے بارے میں مزید تفصیلات جاننے کے خواہشمند تھے، ان کا یہ پوچھنا تھا کہ آخر عدنان ایک ساتھ کیسے اپنی بیویوں کا خیال رکھ لیتے ہیں؟ تاہم حال ہی میں ان کا ایک اور انٹرویو سامنے آیا ہے جس میں انہوں نے اس سوال کا جواب دیا۔
عدنان نے بتایا کہ ان کی تینوں بیویاں ان کے لیے برابر ہیں اور سب کا یکساں خیال رکھتے ہیں۔ ان کا کہنا تھا کہ میں نے اپنی بیویوں کو کسی قسم کی تکلیف محسوس ہونے نہیں دی اور یا ہی ان کی طرف سے مجھے کوئی پریشانی ہوئی۔
ایک سوال کے جواب عدنان نے بتایا کہ سب کے ساتھ پیار سے رہیں ، ایک اچھے دوست کی طرح رہیں ساتھ میں تھوڑا ہنسی مذاق بھی کرتے رہیں۔ انہوں نے کہا کہ اگر آپ کی اہلیہ آپ سے کسی چیز کا مطالبہ کریں تو کوشش کریں کہ انہیں انکار نہ کریں۔
واضح رہے کہ عدنان کا پہلا نکاح 16 سال کی عمر میں ہوا، اس کے بعد دوسرا 20 سال کی عمر میں اور تیسرا ایک سال قبل ہوا۔
خیال رہے کہ عدنان کی سنبل سے تین بیٹیاں، شبانہ سے ایک بیٹی ہے اور دلچسپ بات یہ کہ تینوں کے نام ایس سے شروع ہوتے ہیں۔ عدنان کی تیسری شادی شاہدہ سے ہوئی جو ایک بیوہ خاتون تھیں اور سب سے دلچسپ بات یہ ہے کہ عدنان کی والدہ نے خود ان کے لیے شاہدہ کا انتخاب کیا۔