کراچی میں جوہر موڑ کے قریب صائمہ پرائیڈ کے سامنے ہولناک ٹریفک حادثہ پیش آیا ہے، جس کے نتیجے میں موٹر سائیکل سوار ایک شخص جاں بحق اور دوسرا شدید زخمی ہوگیا۔
عینی شاہدین کے مطابق ایک تیز رفتار کار نے موٹر سائیکل کو ٹکر ماری، جس کے نتیجے میں موٹر سائیکل پر سوار دونوں افراد توازن برقرار نہ رکھ سکے اور سڑک سے گزرنے والے واٹر ٹینکر کے نیچے آگئے۔
حادثے کے فوراً بعد جائے وقوعہ پر موجود شہریوں میں شدید غصہ پھیل گیا اور انہوں نے احتجاج کرتے ہوئے واٹر ٹینکر کو آگ لگا دی۔ موٹر سائیکل سواروں کو کچلنے والی گاڑی اور ٹینکر کے حوالے سے مزید قانونی کارروائی کی جا رہی ہے۔