پاکستان میں ہنر کی کوئی کمی نہیں ہے، پاکستانی قوم دنیا کے کسی بھی کونے میں ہوں یہ اپنی قوم کا سر فخر سے بلند کرنے کی پوری کوشش کرتے ہیں۔
دبئی میں مقیم طٰحہ شیخ نامی پاکستانی لڑکے نے عربی زبان کی چھٹی سب سے خوبصورتی کیلیگرافی فونٹ (رسم الخط) '' خط البُرج '' کو تخلیق کرکے دنیا بھر میں اسلامی کیلیگرافی کا نام بلند کیا اور ساتھ ہی پاکستان کے لئے یہ بھی سب سے بڑے اعزاز کی بات ہے کیونکہ پاکستان کے کسی بھی خطاط کو یہ اعزاز حاصل نہیں ہے کہ انہوں نے عربی رسم الخط کا اتنا مشکل اور خوبصورت کارنامہ انجام دیا ہو۔
طٰحہ شیخ دبئی میں مقیم ہیں اور ان کے لئے ایک اور اعزاز کی بات یہ ہے کہ ان کی بنائی گئی خط '' خط البُرج '' دبئی اسکائی لائنز سے مماثلت رکھتے ہوئے بنائی تھی مگر اب یہ خود اپنے ہاتھ سے دبئی اسکائی لائنز کے جہازوں پر '' خط البُرج '' سے خطاطی کریں گے۔
اس کے ساتھ ہی ساتھ ان کو مختلف خطاطی کے عالمی پراجیکٹس کا بھی حصہ بنایا جائے گا جو کہ عالمی خطاطی آف دی ورلڈ میں بھی شامل کی جائیں گی۔