پاکستان میں کورونا وبا کی تیسری لہر کے باوجود اے لیولز امتحانات کا آغاز کر دیا گیا۔
سماجی رابطے کی ویب سائٹ ٹوئٹر پر اپنا پیغام جاری کرتے ہوئے شفقت محمود نے طلبہ کے لیے اپنی نیک خواہشات کا اظہار کیا۔
وفاقی وزیر تعلیم کا کہنا تھا کہ طلبہ کے بہتر مستقبل کے لئے مشکل فیصلے کیے ہیں، برٹش کونسل ایس او پیز پر سختی سے عمل درآمد کے لئے پرعزم ہے اور ہم ان پر کڑی نگرانی کریں گے۔
شفقت محمود نے امتحانی مراکز کی تصاویر بھی شئیر کیں جس میں امتحان کے دوران کورونا سے بچاؤ کی تمام ایس او پیز پر عملدرآمد کروایا جا رہا ہے۔
تاہم شفقت محمود نے نجی ٹی وی چینل کے ایک ٹاک شو میں بتایا کہ میٹرک اور انٹر کے امتحانات مئی کے تیسرے یا چوتھے ہفتے میں ہوں گے۔