پڑھائی آن لائن ہو یا اسکول میں پرائیویٹ اسکولز کی فیس وہی کی وہی، حکومت نے نوٹس لیتے ہوئے دو ماہ کی فیسوں میں کمی کا اعلان کر دیا۔
تفصیلات کے مطابق حکومت نے پرائیویٹ اسکولز کی اپریل اور مئی کی فیسوں میں 20 فیصد کمی کا اعلان کر دیا ہے، اس حوالے سے نوٹیفیکیشن بھی جاری کیا گیا ہے، جس میں بتایا گیا ہے کہ فیسوں میں کمی کا اطلاق ان اداروں پر ہوگا جن کی فیس 8 ہزار سے زائد ہے۔
جاری کردہ نوٹیفیکیشن میں حکم دیا گیا ہے کہ اپریل اور مئی کے فیسوں میں 20فیصد کمی کی جائے گی اور جو اسکول حکومتی احکامات پر عمل نہیں کریں گے اس کے خلاف سخت ایکشن لیتے ہوئے کارروائی کی جائے گی۔
اس حوالے سے وزارتِ تعلیم کا کہنا ہے کہ تعلیمی ادارے بند ہونے سے اخراجات میں کمی آئی ہے اور بچے گھروں پر آن لائن تعلیم حاصل کر رہے ہیں جس کا ایک الگ خرچہ ہے اس لئے والدین پر سے بوجھ کم کرتے ہوئے یہ فیصلہ کیا گیا ہے۔