عوام اور ٹریفک پولیس اہلکاروں کے درمیان منہ ماری کوئی نئی بات نہیں اور بحث بھی عام بات ہے۔ پولیس میں موجود کچھ کالی بھیڑیں پولیس کا نام بھی خراب کرتی ہیں۔
ایسا ہی کچھ کراچی میں بھی پیش آیا ہے۔ جہاں عوام ٹریفک پولیس اہلکار کو تشدد کا نشانہ بنا رہی ہے۔
ذرائع کے مطابق مشہور اینکر اور پاکستان تحریک انصاف کے ممبر قومی اسمبلی عامر لیاقت حسین نے ٹوئیٹر پر ایک ویڈیو شئیر کی ہے جس میں عوام ٹریفک پولیس اہلکار کو تشدد کا نشانہ بنا رہی ہے۔
عامر لیاقت حسین نے ٹوئیٹ کرتے ہوئے لکھا کہ مت ستاؤ عوام کو، عوام سے بھتہ مت مانگو، کراچی بپھر گیا تو سمندر کنارے بسنے والے شہری سمندر سے کم نہیں۔
جبکہ مزید عامر لیاقت کا لکھنا تھا کہ یہ کراچی کا علاقہ بنارس ہے۔ ویڈیو میں دیکھا جا سکتا ہے کہ ایک ٹریفک پولیس اہلکار رشوت اور بھتہ مانگ رہا تھا اور عوام نے اس ٹریفک پولیس اہلکار کو بتا دیا ہے کہ اگر سمندر کو تنگ کرو گے تو سمندر بپھر بھی سکتا ہے۔
ٹریفک پولیس اہلکار کی موٹر سائکل بھی سڑک پر پڑی ہے، جبکہ مشتعل عوام ٹریفک پولیس اہلکار کی موٹر سائیکل کو نقصان پہنچا رہے ہیں۔ اس حوالے سے ٹریفک پولیس کا باضابطہ موقف اب تک سامنے نہیں آیا ہے۔
بظاہر ویڈیو میں بس ڈرائیور اور ٹریفک پولیس اہلکار کے درمیان ہاتھا پائی دیکھی جا سکتی ہے۔