پاکستان تحریکِ انصاف کے چیئرمین بیرسٹر گوہر نے حکومت پر شدید تنقید کرتے ہوئے کہا ہے کہ نیا سال شروع ہوچکا ہے مگر ملک کے مسائل جوں کے توں موجود ہیں۔
پارلیمنٹ ہاؤس کے باہر میڈیا سے گفتگو کرتے ہوئے بیرسٹر گوہر نے کہا کہ سہیل آفریدی کا دورۂ سندھ مجموعی طور پر مثبت رہا، تاہم سندھ حکومت کا آخری دن کا رویہ جمہوری اقدار کے منافی تھا۔ ان کا کہنا تھا کہ سندھ حکومت کو ٹوپی اور اجرک جیسی ثقافتی روایات کا بھی خیال رکھنا چاہیے تھا۔
بیرسٹر گوہر نے مزید کہا کہ حکومت اب سپر اسپیڈ سے نکل کر ونڈر بوائے کی تلاش میں ہے۔ انہوں نے مطالبہ کیا کہ حکومت فوری طور پر اپوزیشن لیڈر کے نوٹیفکیشن کا اجرا کرے، کہیں ایسا نہ ہو کہ حکومت خود ہی ”ہوم الون“ کا شکار ہوجائے۔