ہم اکثر یہ سوچ کر لیموں خرید لاتے ہیں کہ کھانوں میں بھی استعمال ہو جائے گا اور جوس بھی بنا کر پی لیں گے مگر لیموں فریج میں رکھ کر یا تو ہم بھول جاتے ہیں یا پھر وہ استعمال میں آنے سے پہلے ہی سڑ جاتے ہیں اور ذائقہ بھی کڑوا ہو جاتا ہے۔

لیکن کیا آپ نے کبھی لیموں پر تیل لگا کر انہیں فریج میں رکھا ہے؟ اگر نہیں تو آج ہی ایسا کر کے دیکھیں آپ بھی اس کے نتائج دیکھ کر حیران رہ جائیں گے۔

لیموں پر تیل لگا کر فریج میں رکھنے سے کیا ہوتا ہے؟

اگر آپ لیموں پر تیل لگا کر انہیں فریج میں رکھیں تو اس سے لیموں لمبے عرصے تک تازہ رہیں گے، نہ ہی ان کا چھلکا خراب ہو گا اور نہ ہی ذائقہ بدلے گا بس بتائے گئے طریقے سے لیموں کو فریج میں اسٹور کریں اور کئی دنوں تک استعمال کریں۔

لیموں کو کئی دن تک تازہ رکھنے کا طریقہ

• بازار سے لانے کے بعد لیموؤں کو دھو لیں اور سکھا لیں کہ یہ گیلے نہ رہیں۔

• اب تمام لیموں پر اپنے ہاتھوں سے کھانے کا تیل یعنی سرسوں آئل لگا دیں۔

• اب ایک جالی والی باسکٹ میں پہلے پیپر ٹاول یا بٹر پیپر بچھائیں۔

• پھر اس میں سارے تیل لگے ہوئے لیموں رکھیں اور اس باسکٹ کو فریج میں رکھ دیں۔

• اب آپ چاہے 2 ہفتے یا 3 ہفتے بعد بھی لیموں استعمال کریں یہ رس بھرے اور تازہ ہوں گے۔