انسداد دہشت گردی عدالت نے ریاستی اداروں کے خلاف ڈیجیٹل دہشت گردی کے کیس میں عادل راجا، حیدر مہدی، وجاہت سعید، صابر شاکر اور معید پیرزادہ کو دو دو بار عمر قید کی سزا سنادی۔ عدالت نے ملزمان کو مجموعی طور پر دیگر دفعات میں 35 سال قید اور 15 لاکھ روپے جرمانے کی سزا بھی دی۔
9 مئی کو انسداد دہشت گردی عدالت اسلام آباد میں سماعت ہوئی جس میں جج طاہر عباس سپرا نے ٹرائل مکمل ہونے کے بعد فیصلہ محفوظ کر کے سنایا۔ دوران سماعت پراسیکیوشن کی جانب سے 24 گواہان کو عدالت میں پیش کیا گیا اور ملزمان کی غیر موجودگی میں ٹرائل مکمل کیا گیا۔
تھانہ آبپارہ کے مقدمے میں صابر شاکر، معید پیرزادہ اور سید اکبر حسین کو عمر قید کی سزا سنائی گئی جبکہ تھانہ رمنا کے مقدمے میں حیدر مہدی اور وجاہت سعید کو سزا دی گئی۔ ملزمان کے قانونی وکیل کے طور پر گلفام اشرف گورائیہ عدالت میں پیش ہوئے۔انسداد دہشت گردی قوانین کے تحت، ملزمان کی غیر موجودگی میں بھی ٹرائل مکمل کیا جا سکتا ہے۔