کراچی کی ضلعی شرقی انتظامیہ نے نسلہ ٹاور کے رہائشیوں کو 27 اکتوبر تک بلڈنگ خالی کرنے کا نوٹس جاری کردیا گیا ہے۔
تفصیلات کے مطابق اسسٹنٹ کمشنر فیروزآباد نے رہائشیوں کو 27 اکتوبر تک نسلہ ٹاور کو خالی کرنے کا نوٹس بھیجا ہے۔ تاہم ضلعی انتظامیہ کی جانب سے یہ نوٹس سپریم کورٹ میں نظر ثانی کی درخواست مسترد ہونے کے بعد ارسال کیا گیا ہے۔
نوٹس میں لکھا گیا ہے کہ اعلیٰ عدلیہ کی ہدایت پر عمل درآمد کی رپورٹ جمع کروانے کیلئے نوٹس جاری کیا گیا ہے۔ بعد ازاں بلڈنگ خالی نہ کرنے کی صورت میں قانونی کارروائی کی جائے گی۔
یاد رہے کہ گزشتہ سماعت میں عدالت نے ایک ماہ میں نسلہ ٹاور کو خالی کروانے کا حکم جاری کیا تھا۔
دوسری جانب عدالت نے اپنے فیصلے میں کہا تھا کہ متعدد سوالات پر بھی 780 گز سے زائد لیز کے دستاویزات پیش نہیں کی گئیں اور اضافی لیز کا بھی قانونی جواز نہیں پیش کیا جاسکا۔