شادی کے بعد خواتین کا نیا شناختی کارڈ بنتا ہے جس میں انھیں اپنے نام کے آگے لگے والد کے نام کی جگہ شوہر کا نام لگانا پڑتا ہے۔ اکثر خواتین اس بات کو پسند نہیں کرتیں۔ اپنے نام پر اپنا حق قائم رکھنے کے لئے نیشنل ڈیٹابیس اور ریجسٹریشن اتھارٹی(نادرا) نے ایک ایسی پالیسی متعارف کروائی ہے جس میں خواتین کو یہ حق حاصل ہوگا کہ وہ شادی کے بعد اپنے ساتھ والد کا نام ہی جاری رکھ سکتی ہیں۔ البتہ اپنی مرضی سے شوہر کا نام بھی لگایا جاسکتا ہے

خواتین پر مشتمل محکمہ

اس کام کے لئے خواتین ممبران پر مشتمل ایک خصوصی محکمہ قائم کیا گیا ہے۔ نادرا کے چئیرمین طارق ملک نے پالیسی کے حوالے سے بات کرتے ہوئے کہا کہ “نئی پالیسی خواتین کو یہ انتخاب کرنے کے قابل بنائے گی کہ وہ شادی کے بعد اپنے والد کے نام کو اپنے شوہر کے نام سے بدلیں یا نہیں“