قرآن پاک مسلمانوں کی مقدس کتاب ہے جس کا تقدس پامال کرنے والوں کے خلاف ہر دور میں مظاہرے ہوتے رہے ہیں اور بالکل ایسا ہی واقعہ بنگلہ دیش میں کچھ روز قبل سامنے آیا ہے جہاں ہندوؤں کے مذہبی تہوار دُرگا پوجا کے دوران ایک شخص نے قرآنِ پاک کی بے حرمتی کی جس کی تصاویر سوشل میڈیا پر تیزی سے وائرل ہورہی ہیں اور یہی وجہ ہے کہ آج کل پورے بنگلہ دیش میں مظاہرے اور جھڑپیں ہو رہی ہیں۔
الجزیرہ کی رپورٹ کے مطابق واقعہ کچھ یوں ہے کہ:
''
پچھلے ہفتے بنگلہ دیش میں درگا پوجا کے دوران مندر کے باہر ایک شخص نے قرآن کی بے حرمتی کی جس کی تصاویر ہر کسی نے سوشل میڈیا پر شیئر کر دیں، جس پر خوب تنقید کی جا رہی ہے ، کہیں ہندو مسلمانوں کی نسل کشی کی باتیں کر رہے ہیں تو کہیں مشتعل افراد کی جانب سے بنگلہ دیش کے 80 کے قریب مندروں پر حملے، رنگ پور کے شہر پیر گنج میں 20 کے قریب مکانات جلائےگئےہیں تو کہیں فوجی جھڑپیں بھی ہو رہی ہیں جن میں 6 افراد ہلاک اور 100 سے زائد زخمی ہوئے ہیں اور مذید ایسی اطلاعات سامنے آنے کا یقینی خدشہ ہے۔''
پولیس حکام کا اس حوالے سے کہنا ہے کہ:
''
ایک ہندو شخص کو بیگم گنج کے جنوبی گاؤں میں لاٹھیوں سے مار کر ہلاک کیا گیا اور ایک شخص کی لاش مندر کے قریب سے ملی جبکہ 4 افراد پولیس کی فائرنگ سے ہلاک ہوئے۔ واقعے کے بعد سیکیورٹی خدشات کے پیشِ نظر انٹرنیٹ اور موبائل فون سگنلز معطل کردیئے گئے ہیں۔
''