کیا آپ نے کبھی ایسا سُنا ہے کہ مٹی کھانے سے صحت اچھی ہوتی ہے؟ ظاہر ہے نہیں سُنا ہوگا بھلا مٹی بھی کوئی کھانے کی چیز ہے، لیکن جناب دنیا میں کئی ایسے لوگ موجود ہیں جو اپنی انہیں عجیب و غریب عادات کی وجہ سے مشہور ہو گئے ہیں۔

جی ہاں! آج ہماری ویب ڈاٹ کام آپ کو بتانے والا ہے ایک ایسی بوڑھی خاتون کے بارے میں جو 65 سال سے اچھی صحت کے لئے مٹی کھا رہی ہے اور آج تک بلکل صحیح سلامت ہے۔

مٹی کھا کر زندہ رہنے والی عورت

اس بوڑھی عورت کا نام کسماوتی ہے جس کا تعلق بھارت سے ہے، پورا بھارت اور دنیا یہ جان کر حیران ہے کہ یہ بوڑھی عورت 65 سال سے اچھی صحت کے حصول کے لئے مٹی اور بجری کھا رہی ہے۔

اس عورت کا کہنا ہے کہ جب وہ 15 سال کی تھی تو اس کے پیٹ میں اچانک درد اُٹھا تھا جس کا علاج انہیں کسی نے مٹی کھانا بتایا مگر حیرت انگیز طور پر واقعی مٹی کھانے سے ان کے پیٹ کا درد دور ہو گیا جس بعد وہ آج تک مٹی کھا رہی ہیں۔

کسماوتی روزانہ قریب 2 کلو مٹی اور بجری کھاتی ہیں اور آج تک انہیں اس سے نہ ہی کوئی نقصان ہوا اور نہ کبھی ڈاکٹر کے پاس جانے کی ضرورت پڑی۔

البتہ ڈاکٹرز اور ماہرین صحت بھی اس بات پر حیرت میں ہیں کہ آخر کیسے سالوں سے روزانہ کی بنیاد پر اتنی ساری مٖٹی کھانے کے باوجود بھی کسماوتی کیسے تندرست صحتیاب اور حیرت انگیز طور پر زندہ ہیں۔

تو دوستوں دنیا میں صرف 8 نہیں کئی عجوبے موجود ہیں، آپ کو یہ معلومات کیسی لگی اور آپ اس بارے میں کیا رائے رکھتے ہیں ابھی ہماری ویب ڈاٹ کام کے فیس بُک پیج پر جائیں اور ہمیں بتائیں۔