دن بہ دن بڑھتی مہنگائی نے لوگوں کو پھر سے پرانے طریقے سے زندگی گزارنے پر مجبور کردیا ہے۔ جیسے کہ گیس کی بڑھتی قیمتوں کی وجہ سے لکڑیوں کے ذریعے کھانا پکانے اور بجلی کی جگہ لالٹین کے استعمال کرنے پر مجبور ہوگئے ہیں۔ تاہم پیٹرول کی قیمتوں میں ہر دن کے اضافے سے پریشان شخص نے گاڑی کی جگہ گھوڑے کو اپنی سواری بنا لی۔
پاکستان سمیت دنیا بھر میں پیٹرولیم مصنوعات میں اضافہ ہورہا ہے، تاہم ایک استاد نے اسکول جانے کیلئے گھوڑا خرید لیا۔
تفصیلات کے مطابق مہنگائی سے پریشان لبنان سے تعلق رکھنے والے استاد گھوڑے پراسکول پہنچ گئے۔ جبکہ پیٹرولیم مصنوعات میں اضافہ ہونے کی وجہ سے استاد اور اسکول کے علمے کو اسکول پہنچنے میں مشکل پیش آرہی تھی۔
راید مرہیب نامی استاد کا کہنا ہے کہ میرا گھر اسکول سے 25 کلومیٹر دور ہے، جو کہ شام اور لبنان کی سرحد کے قریب ہے۔ اس کا کہنا ہے کہ اگر میں گاڑی میں سفر کروں گا تو مجھے وہ بہت مہنگا پڑے گا۔ تاہم میں نے فیصلہ کیا کہ میں گاڑی کی جگہ گھوڑے پر اسکول جاؤں گا۔
دوسری جانب ساتھی ٹیچرز نے راید کو یوں گھوڑے پر اسکول آتا دیکھ کر حیرت کا اظہار کیا اور فوٹو بنا کر سوشل میڈیا پر اپلوڈ کردی۔ جو کہ اب وائرل ہورہی ہے۔