ظُلم کرنے والا انسان کو کوئی بھی پسند نہیں کرتا چاہے وہ کوئی جانور ہی کیوں نہ ہو، بالکل ایسی ہی ایک ویڈیو سوشل میڈیا پر وائرل ہو رہی ہے جس میں دیکھا جاسکتا ہے کہ ایک آدمی کُتے کو گلے سے پکڑ کر اس کو زور سے کھینچ رہا ہے اور اس کو بے دردی سے بار بار اُٹھا رہا ہے، کوئی انسان تو اس کُتے کو بچانے نہ آیا بلکہ ایک گائے نیکی کا فرشتہ بن کر آئی اور کُتے کو ظُلم سے بچایا، گائے نے اتنی زور سے ٹکر ماری کہ ظالم آدمی گر گیا اور خوب اس کی دھرگت بنائی۔
ویڈیو کو ٹوئٹر پر سوسانتا نند نامی صارف نے شیئر کیا جس کو دیکھتے دیکھتے لاکھوں لوگوں نے لائک اور شیئر کیا۔ یہ ویڈیو ہر جگہ تیزی سے وائرل ہو رہی ہے ۔ چونکہ یہ معاملہ بھارت میں پیش آیا ہے اور وہاں گائے کو گاؤن ماتا سمجھا جاتا ہے اس لئے لوگ گائے کو بھگوان کی آواز سمجھ رہے ہیں۔ البتہ اگر مذہب سے بالا تر ہوکر سوچیں تو گائے نے اپنے جیسے بے زبان جانور کو بچانے کے لئے ہمدردی کا مظاہرہ کیا۔