کورونا وائرس سے بچاؤ کیلئے ماسک کا استعمال کرنا ہم سب کی ذمہ داری ہے۔ لیکن کیا آپ سوچ سکتے ہیں کہ دنیا میں ایسے لوگ بھی موجود ہیں جو کہ صرف ماسک پر لاکھوں روپے خرچ کردیتے ہیں۔

2 کروڑ 60 لاکھ کا ماسک

کورونا کی وبا کے بعد ہر شخص پر ماسک پہننا لازمی ہوگیا ہے۔ مگر چین سے تعلق رکھنے والے ایک ارب پتی شخص نے ہیروں اور سونے سے بنا ماسک خرید لیا۔ جس کی کل مالیت 1.5 ڈالر یعنی پاکستانی 2 کروڑ 60 لاکھ روپے سے زائد ہے۔

اس ماسک میں 18 قیراط سفید سونا استعمال کیا گیا ہے۔ جبکہ 3600 سے زائد کالے اور سفید رنگ کے ہیروں سے جڑا ہوا ہے۔

مہنگا ہونے کے ساتھ ساتھ اسے طبی طور پر بھی استعمال کیلئے استعمال کیا جاسکتا ہے۔ یعنی یہ ماسک کورونا سے بچانے کیلئے استعمال کیا جاسکتا ہے۔

7 لاکھ کا ماسک

بھارتی شہر پونے سے تعلق رکھنے والے بزنس مین شنکر کردے نے سونے سے بنا ہوا ماسک، جس کی قیمت 4 ہزار ڈالر یعنی پاکستانی 7 لاکھ سے زائد روپے میں خرید لیا۔

خبر کے مطابق شنکر کردے کو سونا پہننے کا بہت شوق ہے۔ شنکر نے کہا کہ وہ کبھی بھی بغیر سونے کی چیز پہننے گھر سے باہر نہیں جاتا۔ تاہم ان کا کہنا ہے کہ مجھے مکمل یقین نہیں کہ یہ ماسک مجھے کورونا سے بچانے کیلئے بہتر ہے یا نہیں۔

16 لاکھ کا ماسک

جاپان سے تعلق رکھنے والی ایک ڈیزائنر ریکو کاوانیشی (Rieko Kawanishi) نے 310 اکویا نامی موتیوں کو استعمال کرکے ایک ماسک تیار کیا ہے۔ جس کی قیمت 9 ہزار 350 ڈالر ہے۔ جو کہ پاکستانی 16 لاکھ سے زائد روپے کی رقم بنتی ہے۔