کہتے ہے کہ لوگوں میں انسانیت نام کی کوئی چیز نہیں رہی لیکن ایسا نہیں ہے۔ انسایت کی مٹھاس آج بھی بہت سے لوگوں کے اندر موجود ہے جو اپنی رحم دلی سے لوگوں کے دل جیت لیتے ہیں۔
اب جیسے ایک ویڈیو سوشل میڈیا پر کافی وائرل ہورہی ہے جس میں کچھ ایسے مناظر دیکھے جاتے ہیں جس کو دیکھ کر آنکھیں نم ہوجائیں۔
مذکورہ ویڈیو میں دیکھا جاتا ہے کہ ایک خاتون سڑک پر بے ہوش کتے کو کس ذمہ داری کے ساتھ اٹھا کر کنارے پر لے آتی ہیں جس کے مناظر کیمرے کی آنکھ میں کوئی قید کر لیتا ہے۔
ویڈیو میں دیکھا جاسکتا ہے کہ سڑک پر کافی ٹریفک رواں دواں ہوتا ہے اور جو کتا سڑک پر بے ہوش ہوتا ہے اس کی ماں (کُتیا) اس کے پاس ہی موجود ہوتی ہے جو بظاہر اس کے لیے کافی فکر مند دکھائی دے رہی ہوتی ہے۔
وہیں دو خاتون ہمت کا مظاہرہ کرتی ہیں اور اور بیچ سڑک پر چلی جاتی ہیں۔ پہلے تھوڑا گاڑیوں کے گزر جانے کا انتظار کرتی ہیں اور پھر ایک خاتون بے ہوش کتے کو اٹھا کر سائیڈ پر لے آتی ہیں۔
یہ تو معلوم نہیں ہوسکا کہ ویڈیو کتنی پرانی ہے لیکن یہ ویڈیو آج بھی سوشل میڈیا کی زینت بنی ہوئی ہے اور اس خوبصورت ویڈیو میں جانوروں کے ساتھ رحم دلی کا پیغام بھی موجود ہے۔
سوشل میڈیا صارفین خاتون کے اس عمل کی بھرپور تعریف کرتے ہیں اور انہیں انسانیت نبھانے کے اس کام کو سراہ رہے ہیں۔
ویڈیو سوشل میڈیا پر کافی وائرل ہوئی ہے اور ہزاروں لوگ اس ویڈیو کو دیکھ چکے ہیں۔