بھارتی سکھ برادری نے مسلمانوں کو گردوارے میں جمعے کی نماز ادا کرنے کی پیشکش کردی۔
حالیہ چند دنوں سے دہلی کے قریبی گاؤں میں بھارتی ہندو انتہا پسند گروہوں کی جانب سے مسلمانوں پر کھلی جگہ پر نماز پڑھنے میں خلل ڈالنے کی کوششیں کی جاری ہیں۔
تاہم بھارتی سکھ برادری کی جانب سے مسلمانوں سمیت تمام مذاہب سے تعلق رکھنے والے افراد کو عبادت کیلئے گردوارہ پیش کر دیا۔ جبکہ کہا گیا ہے کہ مسلمانوں کو نمازِ جمعہ میں خلل کا سامنا ہے تو وہ گردوارے میں نماز ادا کرسکتے ہیں۔
گردوارہ گرہ سنگھ سبھا کے صدر کا کہنا ہے کہ مسلمانوں کو نماز کیلئے جگہ کی کمی کا سامنا ہے، تو وہ ہمارے 5 گردواروں میں جمعے کی نماز ادا کرسکتے ہیں۔ انہوں نے کہا کہ ہمارا انسانیت پر ایمان ہے۔
واضح رہے کہ بھارتی انتہا پسند ہندو گروہوں کی جانب سے مسلمانوں کو کھلی جگہ میں جمعے کی نماز ادا کرنے سے روکا جارہا ہے۔