سندھ اسمبلی میں نسلہ ٹاور سمیت دیگر رہائشی عمارتوں کو نہ گرانے کی قرارداد منظور کرلی گئی۔
تفصیلات کے مطابق نسلہ ٹاور کا نام لیے بغیر سندھ اسمبلی نے منگل کے روز رہائشی عمارتوں کا نہ گرانے کی قرارداد منظور کرلی ہے۔ قرارداد میں کہا گیا ہے، حکومت سندھ، جن عمارتوں میں تنازعات کا شکار ہیں ان کیلئے قانون سازی ہونی چاہئے، تاکہ رہائشی بے گھر نہ ہوسکے۔
اس کے ساتھ ساتھ قرارداد میں یہ بھی کہا گیا ہے کہ ان افسروں کے خلاف سخت کارروائی ہونی چاہیے جو غیر قانونی طور پر تعمیرات کی اجازت دیتے ہیں۔
واضح رہے کہ سپریم کورٹ نے نسلہ ٹاور کو گرانے کا حکم دیا تھا، جس کے بعد انتظامیہ عمارت کو رہائشیوں سے خالی کروالیا ہے۔