2 لاکھ کما کر ابّو کو دیتی ہوں ۔۔ ملیئے 2 لاکھ روپے ماہانہ کمانے والی 10 سالہ بچی سے! پاکستان کی پہلی بچی جو اپنے والدین کو ماہانہ خرچہ دیتی ہے

image

اگر شوق اور لگن ہو تو انسان کیا نہیں کر سکتا، ایسا ہی کچھ کیا ہے ننھی سی 10 سالہ بچی جنت نے جو اپنے ہنر کی وجہ سے نہ صرف اپنے والدین کا سہارا بنی ہوئی ہے بلکہ اتنی سی عمر میں اتنا کمانے کی وجہ سے اپنے والدین کا بھی سہارا بنی ہوئی ہے۔

جنت نہ ہی کھیلتی ہیں اور نہ ہی انہیں کام کے علاوہ کسی اور چیز میں دلچسپی ہے، یہ اسکول جاتی ہیں اور پھر اسکول سے آنے کے بعد سارا دن گھر میں بنے ہوئے کارخانے میں خواتین کے کپڑوں میں لگنے والی بیلیں بناتی ہیں ۔

جنت نے ایک انٹرویو میں بتایا کہ انہوں نے بیلیں بنانے کا کام اپنی امّی سے سیکھا اور پھر خود سب کچھ سنبھال لیا، اب وہ مہینے کے 2 لاکھ روپے کما کر اپنی امّی ابّو کو دیتی ہیں، جبکہ ان بیلوں کو ان کے ابّو بازار میں جا کر دُکانوں پر بیچ آتے ہیں۔

ننھی جنت سوشل میڈیا پر بھی اتنی سی عمر میں کام کرنے کی وجہ سے بےحد مقبول ہیں اور سوشل میڈیا صارفین بھی انہیں اتنی سی عمر میں اتنا کام اور 2 لاکھ مہانہ کماتے دیکھ کر حیران ہیں۔


Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

Follow US