عدالتی احکامات پر عمل درآمد کرتے ہوئے نسلہ ٹاور کر گرانے کا کام شروع ہوچکا ہے۔ ٹاور کو گرانے کے باعث شارع فیصل سے شاہراہِ قائدین جانے والا راستہ بند کر دیا گیا ہے۔
نسلہ ٹاور کی بالائی منزلوں کو مزدور کی جانب سے خود ہی توڑنے کا عمل جاری ہے جبکہ، ہیوی مشینری کی مدد سے عمارت کی نیچلے حصے کو مسمار کیا جا رہا ہے۔
روایتی طریقے سے کام شروع کرنے کے لیے مزدور اور مشینری دونوں موجود ہیں۔
اس سے قبل سپریم کورٹ آف پاکستان کے حکم پر عمارت گرانے کا کام تیز کرنے کے لیے کمشنر کراچی محمد اقبال میمن دیگر افسران کے ہمراہ نسلہ ٹاور پہنچے۔
اس موقع پر کمشنر کراچی کے ساتھ اسسٹنٹ کمشنر ریونیو اور ڈی سی ایسٹ بھی موجود تھے۔