گزشتہ رات گئے کسٹم حکام کو کراچی کی معروف مارکیٹ پر چھاپا مارنا مہنگا پڑگیا۔
رپورٹ کے مطابق گزشتہ رات کسٹم حکام نے جامع کلاتھ مارکیٹ پر اسمگل شدہ اشیاء موجود ہونے کی اطلاعات پر چھاپا مارا گیا تھا۔ تاہم کاروائی مکمل ہونے کے بعد تاجروں نے کسٹم حکام کا گھیراؤ کیا، جس کے بعد فائرنگ اور شیلنگ کا سلسلہ شروع ہوگیا تھا۔
پولیس کے مطابق کسٹم حکام تلاشی کے وارنٹ لے کر مارکیٹ پہنچے تھے، جس پر دکانداروں نے مزاحمت کی۔ تاہم فائرنگ اور پتھراؤ سے دو افراد کے زخمی ہونے کی اطلاعات سامنے آئی ہیں۔ جنہیں سول اسپتال منتقل کردیا گیا ہے۔
دوسری جانب دوکانداروں کا کہنا ہے کہ کسٹم حکام کی یہ جھوٹی کاروائی تھی، ہمارے پاس تمام اشیاء کسٹم ڈیوٹی دینے کے بعد آتی ہیں۔ جبکہ دکانداروں نے احتجاج اور دھرنا دینے کا اعلان کیا ہے۔