عمرہ کرنے والے پاکستانی اور انڈین زائرین کے لئے خوشخبری یہ ہے کہ عالمی وبا کے دور سے گزرنے کے باوجود سعودی عرب نے انھیں ویزا دینے کا اعلان کردیا ہے۔
فیس بک صارف جنید قریشی نے اس حوالے سے معلومات فراہم کرتے ہوئے لکھا ہے کہ سعودی عرب کی جانب سے فائزر، موڈرنا، بائیونٹیک، آسٹرا، جانسن اینڈ جانسن(اس ویکسین کی ایک ڈوز بھی کافی ہے) منظور شدہ ویکسین قرار دی گئی ہیں اور ان ویکسین کی دو ڈوز لگوانے کے بعد قرنطینہ کی ضرورت نہیں۔
ایسے زائرین جنھوں نے ورلڈ ہیلتھ آرگنائزیشن کی جانب سے منظور شدہ ویکسین سائنوفام اور سائنوویک لگوائی ہوں انھیں بھی سعودی عرب جانے کی اجازت ہے البتہ انھیں3 سے 5 دن قرنطینہ کرنا ہوگا۔ وہ زائرین جنھوں نے کورونا ویکسین کا صرف ایک ڈوز لگوایا ہوگا انھیں5 دن کا قرنطینہ کرنا ہوگا۔