سوشل میڈیا پر ایسی کئی ویڈیوز اور تصاویر دیکھی ہوں گی جس میں دلچسپ اور منفرد معلومات موجود ہوتی ہیں، کچھ ایسی ہوتی ہیں جو کہ سب کی توجہ حاصل کر لیتی ہیں۔
ہماری ویب ڈاٹ کام کی اس خبر میں آپ کو اسی حوالے سے بتائیں گے۔
سوشل میڈیا پر پاکستانی فوجی جوانوں کی شادیاں کافی وائرل ہوتی ہیں، کوئی اپنی شادی میں منفرد انداز اپناتا ہے تو کوئی شادی کا جشن روایتی انداز میں مناتا ہے۔
ان سب میں کچھ شادیاں ایسی ہوتی ہیں جو کہ عام شادیوں جیسی نہیں ہوتی ہیں۔ سوشل میڈیا پر ایک ویڈیو کافی وائرل ہے جس میں دیکھا جا سکتا ہے کہ جوان اپنی شادی کے بعد جب واپس مورچوں پر آیا تو جشن کا انداز ہی نرالا تھا، گلے میں ہار، جسم پر وردی اور چہرے پر خوشی نمایاں تھی۔
جوان نے شادی کے بعد اپنے دوستوں اور ساتھیوں کے ساتھ شادی کی خوشی کا جشن کچھ اس طرح منایا تھا۔
اسی طرح سوشل میڈیا پر ایک ویڈیو وائرل ہے جس میں ایک جوان شادی کی تقریب کے دوران بجائے گلے ملنے کے سب کو سیلوٹ کر رہا ہے۔ عام طور پر پاکستانی شادی میں جب کبھی نکاح ہوتا ہے تو دلہے کو مبارک باد دینے کے لیے مہمان قطار لگا لیتے ہیں، ایسے میں دلہا بھی گلے ملتے ملتے تھک جاتا ہے۔
لیکن اس فوجی جوان نے ایک منفرد طریقہ کار نکالا ہے، اپنی شادی کی تقریب میں بجائے گلے ملنے کے سیلوٹ کرنے کو ترجیح دی ہے۔
ایسی ہی ایک شادی سابقہ اداکارہ عائشہ خان کی تھی، جو میجر عقبہ حدید کے ساتھ ہوئی تھی۔ میجر عقبہ پاکستان آرمی میں میجر کے عہدے پر خدمات سرانجام دے رہے ہیں، جبکہ عائشہ پاکستانی ٹی وی ڈرامہ کا ایک مشہور نام تھیں جو اب اپنی نجی زندگی کو وقت دے رہی ہیں۔
میجر عقبہ نے سیاہ رنگ کا یونیفارم زیب تن کیا ہوا ہے جبکہ ان کے یونیفارم میں پاکستان کا پرچم بھی نمایاں ہے۔ عام طور پر اگر دلہا اور دلہن دونوں آرمی سے تعلق رکھتے ہیں تو یہ ان دونوں منحصر ہے کہ وہ یونیفارم پہنیں یا نہیں۔
لیکن میجر عقبہ حدید اس اہم دن کے موقع پر یونیفارم میں بیٹھے ہیں جس سے اس بات کا اندازہ لگایا جا سکتا ہے کہ ایک فوجی کو اس وردی سے کس حد تک لگاؤ اور پیار ہے۔
ایک اور فوجی جوڑا کافی وائرل ہے جس نے شادی کی تقریب میں یونیفارم ہی پہنا۔
میجر حارث اور کیپٹن ثںاء نے بھی سوشل میڈیا صارفین کی توجہ اس وقت حاصل کر لی تھی جب اس خوبصورت جوڑے کی شادی کی تصاویر سوشل میڈیا پر اپلوڈ کی گئیں۔
جوڑے نے شادی کے اہم دن بھی یونیفارم پہنا ہوا تھا، جبکہ اہلیہ کیپٹن ثںاء کے ہاتھ میں مہندی کو بھی دیکھا جا سکتا ہے۔ فوجی جوان اہم دن کے موقع پر بھی اس دن کو یادگار اپنے طریقے سے بناتے ہیں۔
جبکہ ملٹری ایریا نامی انسٹاگرام اکاؤنٹ پر ایک تصویر اپلوڈ کی گئی تھی جس میں پاکستان فوج کے افسر اور خاتون افسر کی شادی ہو رہی تھی۔ اس تصویر میں دیکھا جا سکتا ہے کہ دلہا اور دلہن فوجی یونیفارم میں اس اہم دن کے موقع پر بیٹھے ہیں۔ جس دن بناؤ سنگھار، رنگ برنگے کپڑے زیب تن کرتے ہیں اس بھی اس جوڑے نے یونیفارم پہنا ہوا تھا۔
وطن سے محبت اور وردی سے پیار کی یہ نئی مثال ہے جو جوان اپنے انداز میں بنا رہے ہیں۔