سوشل میڈیا پر مختلف شخصیات کے بارے میں بہت سی معلومات موجود ہیں جو کہ سب کو حیرت میں مبتلا کر دیتی ہیں۔
ہماری ویب ڈاٹ کام کی اس خبر میں آپ کو اسی حوالے سے بتائیں گے۔
بحریہ ٹاؤن کے سربراہ اور پاکستان کی جانی مانی شخصیت ملک ریاض کا شمار ان چند شخصیات میں ہوتا ہے جو کہ نہ صرف کامیاب کاروباری شخصیت ہیں بلکہ تنازعات کی زد میں بھی آ چکے ہیں۔
اپنے ایک انٹرویو میں ملک ریاض نے اپنی پڑھائی سے متعلق بھی بتایا جسے سن کر صارفین ہکے بکے رہ گئے تھے۔ سہیل وڑائچ کو انٹرویو دیتے ہوئے ملک ریاض نے بتایا کہ میں نے میٹرک پاس کیا مگر وہ بھی دوسرے سال میں۔ یعنی وہ ایک بار فیل ہو چکے ہیں۔ لیکن انہوں نے ہمت نہیں ہار۔
لیکن جب دوسری بار امتحان دیا تو ان کے 333 مارکس آئے تھے، وہ بتاتے ہیں کہ اگر 332 مارکس آتے تو میں فیل ہو جاتا۔ ملک ریاض نے اپنی زندگی میں بے حد محنت کی ہے۔
ملک ریاض کا ماضی بہت سے اتار چڑھاؤ کا شکار رہا ہے، ملک ریاض کے والد ایک نجی کانٹریکٹر تھے لیکن وہ بینک رپٹ ہو چکے تھے جس کی وجہ سے ملک ریاض کے گھر کے حالات کچھ اچھے نہیں تھے۔ والد کے بینک کرپٹ ہونے کا اثر یہ ہوا کہ ملک ریاض کو فیس کے پیسے نہ ہونے کی وجہ سے مجبورا اسکول چھوڑنا پڑا۔ ملک ریاض نے اسکلول چھوڑ کر ملٹری اینجینئرنگ سروس میں کلرک کے طور پر بھرتی ہو گئے، اس دوران ملک ریاض پارٹ ٹائم میں گھروں میں رنگ کرنے کا کام بھی کرتے رہے۔ کئی مشکلات پیش آئیں مگر ہمت نہیں ہاری۔
آج بحریہ ٹاؤن جیسی مشہور کنسٹرکشن کمپنی کے مالک ملک ریاض پر ایک ایسا وقت بھی آیا تھا جب ان کی بڑی بیٹی کو فوڈ پوائزن ہوا تھا، ملک ریاض کہتے ہیں کہ میری بیٹی مر رہی تھی مگر میرے پاس پیسے نہیں تھے فیس کے۔ ڈاکٹر کو دینے کے لیے فیس نہیں تھی تو ٹیکسی والے سے پیسے لیکر ڈاکٹر کو دیے، پھر گھر آکر پیتل کا ایک قیمتی برتن بیچ کر ٹیکسی والے کو پیسے دیے۔ بیٹی کی بیماری کی وجہ سے گھر کے برتن تک بیچنے لگ گیا تھا۔
1970 میں ملک ریاض کے ایک دوست نے انہیں کانٹریکٹنگ بزنس میں پیسہ لگانے کا مشورہ کیا، اس سنہری کو موقع کو ملک ریاض نے خوب استعمال کیا اور دن رات کی محنت نے ملک ریاض کو اس مقام پر پہنچا دیا ہے کہ آج وہ دنیا بھر میں ایک کامیاب بلڈر کے طور پر مشہور ہیں۔
آج ملک ریاض تمام تر مشکلات کو برداشت کر کے اپنی بیوی بینا ریاض، بیٹے علی ریاض اور تینوں بیٹیوں امبر شہزاد ملک، آسیہ عامر ملک اور پشمینہ زین ملک کے ساتھ خوش و خرم زندگی بسر کر رہے ہیں، اہلیہ نے ہر مشکل وقت میں ملک ریاض کا ساتھ دیا ہے۔ جبکہ واضح رہے ملک ریاض کے پوتے پوتیاں بھی ہیں۔
دور حاضر میں اس وقت ملک ریاض کافی مشکلات سے گزر رہے ہیں، بحریہ ٹاؤن کراچی اور رہائشیوں کے واقعے کے بعد سے بحریہ ٹاؤں اور ملک ریاض کو کافی مشکلات کا سامنا ہے، جبکہ عوامی ردعمل بھی کچھ خاص اچھا نہیں۔ اب دیکھنا یہ ہے کہ ملک ریاض اس پوری صورتحال کو کس طرح سے سامنا کرتے ہیں۔