حیرت انگیز واقعات تو کسی کے ساتھ بھی پیش آ سکتے ہیں اب چاہے خوشی کا لمحہ ہو یا پھر غم کا موقع۔
کراچی کے علاقے سوک سینٹر کی اے ٹیم این مشین میں بھی کچھ ایسا ہی ہوا ہے جہاں لوگ خوشی خوشی پیسے نکلوانے آتے ہیں۔
دراصل کراچی کے رحمت علی نجی بینک کے اے ٹیم ایم سے پیسے نکالنے گئے تھے، عید کے قریب آتے ہی اے ٹی ایم کی طرف جو قدم بڑھتے ہیں وہ خوشی کے ہی ہوتے ہیں۔
لیکن رحمت علی کی خوشی اس وقت خوف میں بدل گئی جب اے ٹی ایم میں داخل ہونے کے بعد انہوں نے حفاظت کے طور پر لاک لگا دیا، اور اب وہ لاک حیرت انگیز طور پر کُھل ہی نہیں رہا۔
تقریبا پونے 6 بجے یعنی افطاری سے پہلے اے ٹیم ایم مشین میں پھنسے رحمت کو بالآخر 8 بجے پولیس اہلکاروں کی جانب سے مشکل سے باہر نکالا گیا۔
رحمت کی جانب سے دوستوں سے رابطہ کیا گیا کسی سے رابطہ ممکن نہیں ہوا تو کوئی فون نہیں اٹھا رہا تھا۔ ایسے میں رحمت نے دو گھنٹے اے ٹی ایم مشین میں گزارے۔