وزیرِ اعظم محمد شہباز شریف ایک روزہ سرکاری دورے پر قطر روانہ ہو گئے ہیں جہاں وہ امیرِ قطر شیخ تمیم بن حمد آل ثانی سے ملاقات کریں گے۔ وزیرِ اعظم کے ہمراہ سابق وزیرِ اعظم میاں محمد نواز شریف بھی موجود ہیں۔
سرکاری اعلامیے کے مطابق وزیرِ اعظم اپنے دورۂ قطر کے دوران قطر کے سابق امیر، مرحوم شیخ حمد بن خلیفہ آل ثانی کے انتقال پر امیرِ قطر، قطری شاہی خاندان اور قطری عوام سے دلی تعزیت اور ہمدردی کا اظہار کریں گے۔
اعلامیے میں کہا گیا ہے کہ وزیرِ اعظم کا یہ دورہ پاکستان اور قطر کے درمیان دہائیوں پر محیط برادرانہ، دوستانہ اور مضبوط تعلقات کی عکاسی کرتا ہے، جبکہ دونوں ممالک کے درمیان باہمی تعاون اور قریبی روابط کو مزید مستحکم بنانے کے عزم کا بھی اظہار ہے۔
وزیرِ اعظم کے وفد میں نائب وزیرِ اعظم و وزیرِ خارجہ سینیٹر اسحاق ڈار اور وفاقی وزیرِ اطلاعات و نشریات عطاء اللہ تارڑ بھی شامل ہیں۔