عمران خان کے اسلام آباد احتجاج کے اعلان کے بعد سے پاکستان بھر میں اس وقت ایسی صورتحال پیدا ہوچکی ہے کہ کبھی بھی کسی بھی وقت بری خبر آسکتی ہے۔
پاکستان کے مختلف شہروں سے عوام کی بڑی تعداد اسلام آباد میں جمع ہونے کے لیے پہنچ رہی ہے کیونکہ عمران خان نے واضح طور پر یہ اعلان کیا ہے کہ ان کا احتجاج اس وقت تک جاری رہے گا جب تک اسمبلیاں تحلیل اور ملک میں فوری الیکشن کا اعلان نہیں ہوجاتا۔
اس وقت تحریک انصاف کے کارکنوں کا نمائش چورنگی پر احتجاج جاری ہے جہاں کی صورتحال اس وقت کافی کشیدہ بتائی جا رہی ہے۔ مرد، خواتین بچے سب اپنے اپنے گھروں سے آزادی مارچ کے لیے نکلے ہوئے ہیں جن پر پولیس کی جانب سے روک تھام کا سلسلہ جاری ہے۔
انہی مظاہرین میں ایک خاتون بھی اپنی ایک ماہ کے بچی کے ساتھ نمائش چورنگی پہنچی ہوئی ہیں جن کی ویڈیو سوشل میڈیا پر وائرل ہو رہی ہے۔
ویڈیو میں دیکھا جا سکتا ہے خاتون کی گود میں بچی لیٹی ہوئی ہے اور ان کا بیٹا بھی اپنی ماں سے ٹیک لگائے بیٹھا ہے۔ مذکورہ ویڈیو سوشل میڈیا پر تیزی سے وائرل ہو رہی ہے۔
خاتون بتاتی ہیں کہ وہ شادمان ٹاؤن سے نمائش چورنگی آئی ہے۔ ایک سوال کے جواب نے خاتون نے کہا کہ اگر آج ڈر گئے تو آگے آنے والی نسلوں کو ادا کرنا پڑے گا۔ خاتون نے یہ بھی بتایا کہ ان کی بچی ایک ماہ کی ہے جبکہ بیٹا ایک سال کا ہے۔