شمالی وزیرستان میں دریائے کرم کا اہم رابطہ پل بارودی مواد سے اُڑا دیا گیا۔
تحصیل شیواہ میں دریائے کرم پر قائم اہم رابطہ پل کو بارود سے اڑا دیا گیا ہے، جس کے باعث پل مکمل طور پر تباہ ہوگیا، نامعلوم افراد نے رات گئے پل کے نیچے بارودی مواد نصب کیا، جس کے بعد زور دار دھماکے سے پل مکمل طور پر منہدم ہوگیا۔
دھماکے کے نتیجے میں لاکھوں افراد کا میران شاہ اور دیگر علاقوں سے زمینی رابطہ منقطع ہوگیا ہے، پل کی تباہی پر اہالیانِ علاقہ نے اس گھناؤنے اور بزدلانہ فعل کی شدید مذمت کی۔