خیبر پختونخوا حکومت کی جانب سے تیراہ آپریشن متاثرین کیلیے 4 ارب روپے کا ریلیف پیکیج منظور کرلیا گیا، محکمہ خزانہ نے ضلع خیبر میں تیراہ ڈی پاپولیشن سرگرمیوں کے لیے 4 ارب روپے جاری کیے ہیں۔
محکمہ خزانہ کی جانب سے جاری مراسلے کے مطابق جاری فنڈز موجودہ مالی سال 2025-26 کے دوران خرچ کیا جائے گا، فنڈز صوبائی ڈیزاسٹر مینجمنٹ اتھارٹی کے ذریعے جاری کیے جائیں گے۔
مراسلے میں بتایا گیا ہے کہ تیراہ آپریشن متاثرین کیلیے 4 ارب روپے پی ڈی ایم اے کے اسپیشل ڈپازٹ فنڈ اکاؤنٹ میں رکھے جائیں گے، جبکہ فنڈز کمرشل بینک اکاؤنٹ میں منتقل نہیں کیے جا سکیں گے، فنڈز کے استعمال سے قبل تمام مالی و ضابطہ جاتی تقاضے پورے کرنا لازم ہوگا۔