پاکستان تحریک انصاف کی جانب سے آج اسلام آباد سمیت پورے ملک میں حقیقی آزادی کے نام سے لانگ مارچ کیا جا رہا ہے جس کی مرکزی منزل اسلام آباد ہے۔
لیکن اس دوران کچھ ایسے واقعات رونما ہو چکے ہیں جو کہ سب کی توجہ حاصل کر رہے ہیں، ہماری ویب ڈاٹ کام ایک ایسی ہی خبر کے بارے میں آپ کو بتائے گی۔
پاکستان تحریک انصاف کے رہنما عامر ڈوگر بھی اسی آزادی لانگ مارچ میں شریک تھے اور جوش خطابت میں گاڑی کی چھت پر ہی چڑھ گئے۔
ویسے تو گاڑی کھڑی ہوئی تھی لیکن شاید ڈرائیور کو علم نہیں ہوا کہ رہنما کسی سہارے کے بغیر گاڑی کی چھت پر کھڑے ہیں۔ ڈرائیور نے جیسے کی گاڑی کو آگے کی جانب بڑھایا تو عامر ڈوگر منہ کے بل آ کر زمین پر گر گئے۔
رہنما کو گرتا دیکھ کارکنان بھی رہنما کو سنبھالنے کو آ گئے، عامر ڈوگر کو معمولی سی چوٹے آئیں ہیں مگر ان کے حوصلے اب بھی پست نہیں ہوئے ہیں۔