سابق وزیراعظم عمران خان کے چاہنے والے انہیں مختلف طریقوں سے خراج تحسین پیش کرتے رہتے ہیں۔ کوئی ان کا منفرد اسکیچ بناتا تو کوئی ان کی آواز میں تقریر کر کےان کا پرستار ہونے کا ثبوت پیش کرتا ہے۔
لیکن ایک خاتون آرٹسٹ نے خود کو ہی عمران خان کا روپ دے کر انہیں بہترین خراج تحسین پیش کیا۔ اسما حنیف نامی خاتون میک اپ آرٹسٹ نے خود کو ایسا میک اپ کیا کہ لگا جیسے عمران خان سامنے موجود ہوں۔
اسما حنیف نامی میک اپ آرٹسٹ اور ڈیجیٹل تخلیق کار کی عمران خان کا روپ دھارنے کی ویڈیو سوشل میڈیا پر تیزی وائرل ہو رہی ہے۔
اسما حنیف نے نا صرف عمران خان جیسا چہرہ بنایا بلکہ ان کی طرح کا لباس بھی زیب تن کیا۔
میک اپ آرٹسٹ کی ویڈیو سوشل میڈیا کے مختلف حلقوں پر وائرل ہورہی ہے جہاں صارفین نے مختلف کمنٹس کیئے۔
کچھ صارفین نے کہا کہ آپ بالکل عمران خان نہیں لگ رہیں تو کچھ نے اسما حنیف کو کسی اور شخصیت سے مشابہت دی۔